Nora Gjakova arriti një tjetër sukses historik për Kosovën. Xhudistja nga Kosova arriti ta mposhtë në garën finale francezen Sarah Leoine Cysiquen, ndërsa në kategorinë -57 kg, Nora Gjakova arriti të mundë japonezen Tsukasa Yoshida, Kaja Kajzer nga Sllovenia dhe holandezen, Sanne Verhagen.

Me këtë fitore ajo siguroi medalje të artë olimpike, të dytën për Kosovën në këtë kompeticion dhe të tretën në historinë e shtetit pasi në Rio 2016 dhe Majlinda Kelmendi rrëmbeu medalje ari po në xhudo.

Pas fitores së saj mediumi publik serb RTS ndali transmetimin e drejtpërdrejtë. Kujtojmë se kjo është medalja e dytë e artë për Kosovën, pas asaj të Distria Krasniqit në ditën e parë të garës më të madhe për sportistë në botë.