Pas vendimit të qeverisë shqiptare për të mirëpritur qytetarë afganë për strehim të përkohshëm, ka reaguar edhe ambasadorja e SHBA-ve në Tiranë, Yuri Kim.

Përmes një shënimi në Twitter, ambasadorja nder te tjera ka theksuar se populli shqiptar në momente shumë delikate tregon guxim dhe mirësi, ndërsa nuk ka nguruar që ta quajë Shqipërinë mikun dhe aleatin e SHBA-ve.

Kim shkruan: “BESA – kur ka më shumë rëndësi, populli shqiptar tregon gjithmonë nder, guxim dhe mirësi. Ne jemi krenarë t’ju quajmë mikun dhe aleatin tonë”