Partia Demokratike ka nxjerrë listën e deputetëve që kanë votuar mbi raportin e PS-së dhe PD-së për inceneratorët, duke publikuar dhe emrat e tyre.

PD thekson se për çudi, raporti që fakton vjedhjen e bërë në skemën e inceneratorëve, nuk u votua nga deputetët e Sali Berishës.

“Komisioni Hetimore për Inceneratorët, i tregoi çdo shqiptari se si Rama dhe ministrat e tij vodhën 430 milionë euro të shqiptarëve. Bazuar në fakte dhe prova, u kallzuan penalisht në SPAK, Erjon Veliaj, Damjan Gjiknuri, Arben Ahmetaj, Emirjana Sako, Alqi Bllako dhe Armando Subashi.

Mazhoranca tentoi disa herë ta sabotonte dhe pengonte punën e këtij komisioni por nuk ia doli dot.

Raporti perfundimtar i cili fakton me prova se si iu vodhën shqiptarëve në skemën kriminale të inceneratorëve, për çudi nuk u votua nga deputetët e Sali Berishës.”

PD akuzon se ish-kryeministri është bërë palë me kryeministrin Rama për të ‘mbuluar’ këtë të fundit.

“Ata bashkuan votat me Edi Ramën kundër këtij raporti për të mbrojtur korrupsionin e Ramës. Ata që akuzojnë, mashtrojnë gjithë ditën për bashkëpunim me Ramën, janë faktuar duke bashkuar votat në mbrojtje të aferës më të madhe korruptive të ndodhur në Shqipëri.”