Aktori i humorit Gazmend Paja ka fituar të drejtën për të ndërtuar një resort në bregdetin e jugut të Shqipërisë me vlerë rreth 14 mln euro.

“Ecotech Energy Services”, kompania në pronësi të Pajës do të ndërtojë “Dhërmi Resort” bashkë me “Startek”, një tjetër kompani, duke u shpallur kështu Investitorë Strategjikë nga qeveria.

Resorti me fokus turizmin elitar do të shtrihet në një hapësirë prej 133 mijë metra katrorë, ku 25 mijë metra do t’i përkasin hotelit dhe pjesa tjetër ndërtimit të vilave.