Vrimat e zeza janë një nga objektet më misterioze dhe ekstreme në univers. Këta janë trupa me një gravitet kaq të fortë sa nuk mund t’u shpëtojë asgjë, madje as drita.

Ato janë gjithashtu interesante sepse u lejojnë astronomëve të vëzhgojnë sjelljen e ligjeve të fizikës në kushtet më ekstreme. Ndonjëherë këto “përbindësh” gëlltisin yje dhe objekte të tjera afër, duke lëshuar sasi të mëdha drite dhe rrezatimi.

Në muajin tetor të vitit 2018, astronomët vëzhguan një vrimë të zezë në një galaktikë 665 milionë vite dritë larg dhe kuptuan se ajo sapo kishte gëlltitur një yll. Tre vjet më vonë, shkencëtarët nga Qendra për Astrofizikë/Harvard & Smithsonian (CfA) studiuan të njëjtën vrimë të zezë për të vëzhguar fenomenin e ngjarjeve të ndërprerjes së baticës (TDE) dhe vunë re se ajo “gromiste” me zë të lartë.