Deputetja e Partisë Demokratike të Shqipërisë, Flutura Açka e ka nisur fjalën e saj në Kuvend me tinguj kafshësh duke ironizuar kohën e dhënë për të folur në foltoren e parlamentit.

Ajo e ka quajtur Kuvendin “ferma pllenare”  dhe ka shtuar se “edhe gomari jashtë ka më shumë kohë për të pëllitur se katër minutat që më japin mua”.

Mbani shënim se çfarë bëhet në fermën pllenare këtu. Edhe gomari jashtë ka më shumë kohë për të pëllitur se katër minutat që më japin mua. Jeni shitës të mirë të katastrofave, e bëtë më tërmetin dhe pandeminë dhe po e bëni me luftën. E dyta që keni është vjedhja dhe vjellja”, tha deputetja.

Ajo foli edhe për protestën e pedagogëve ndërsa i bëri thirrje qeverisë të mos gjurmonte protestuesit ashtu si me drejtuesin e sindikatës së universiteteve që u përmend nga kryeministri si ish-punonjës i Shërbimit Informativ Kombëtar (SHIK).