Tre persona humbën jetën ne rruget e vendit në pak orë si pasojë e aksidenteve.

Fillimisht në autostratën Lushnje-Fier, 59-vjeçari Qemal Shala i cili udhëtonte me një motor u përplas me një traktor. Siç shihet përplasja ishte shumë e fortë duke bere që 59-vjeçari të perfundojë mbi rimorkion e mjetit bujqësor që i shkaktoi dhe vdekjen. Për ngjarjen, policia shoqëroi shoferin e traktorit, i cili qarkullonte në shkelje të rregullave të qarkullimit rrugor.

Vetëm pak minuta më vonë po në Lushnje, një tjetër viktimë u shënua si pasojë e aksidenteve. Në aksin rural Krutje-Bubullimë,  50-vjeçarja, Afërdita Rasti duke udhëtuar me një motor ka humbur kontrillin duke rënë ne kanalin anesor prej betoni. Si pasojë e plageve të marra 50-vjeçarja gjeti vdekjen e menjëhershme.

Ngjarjet rrugore me pasoja nuk u ndalën këtu, pasi vetëm pak minuta më pas në Fushë Krujë një 20-vjeçar humbi jetën në aksident. I riu, Mirjan Tema mësohet se po lëvizte me një automjet tip smart, ku ishte pasagjer kur doli nga rruga duke përfunduar në shtratin e lumit Zezë.  Ndërkohë u plagos shoferi i makinës, Haxhi Vraja i cili është transportuar në Spitalin e Traumës./klantv