Miliarderi Elon Musk postoi një sondazh në Twitter duke pyetur përdoruesit nëse duhet të largohej nga posti i CEO i kompanisë dhe u kërkoi atyre të votonin. Ai tha se do të respektojë rezultatet e anketës.

Në disa postime që nga sondazhi, Musk ka treguar se ai është serioz në lidhje me dorëheqjen nga posti i kreut të kompanisë, por është e paqartë se cila do të jetë e ardhmja e Twitter nëse ai largohet si CEO.

“Siç thuhet, ki kujdes se çfarë dëshiron sepse mund të realizohet”, shkroi Musk në Twitter.

Ai e publikoi sondazhin mbrëmë dhe 58 për qind e të anketuarve u përgjigjën pozitivisht.

Pasi bleu Twitter për 44 miliardë dollarë dhe mori postin e CEO në fund të tetorit, Musk shkarkoi disa drejtues dhe rreth gjysmën e punonjësve. Ai u dha punëtorëve të mbetur një ultimatum se ata “duhet të punojnë shumë ose të largohen”. Më pas mijëra punonjës të tjerë u larguan nga Twitter. Musk gjithashtu pushoi punonjësit që nuk ishin dakord hapur me të.